TUNKAR (22-29.January.2017) Lunglei Dist.rawngbawlna thuthar

————————
#1. DISTRICT PYD CHOIR RAWNGBAWLNA :

District Board Committee-in a phalsak angin Lunglei District PYD choir te chuan khawpui chhung local-ah rawngbawlna nei pahin thawhlawm an khawn chho mek a, January 15 Pathianni zan khan College veng local-ah thawhlawm khawn pah hian rawngbawlna hi an nei a, January 22 Pathianni chhun lamah Zotlang local-ah inkhawmin, zan lamah Rahsiveng local-ah an inkhawm bawk. Heng an inkhawmna ah te hian District PYD Choir tan hian thawhlawm lakkhawm sakin cheng tam tak an hmu chhuak a, thawhlawm pe tute chungah District PYD Choir te chuan lawmthu an sawi a ni.
District PYD Choir te hian January 23-25 chhung khan Aizawl lamah Voice recording neiin hun an hmang a, January 26 khan Barak District PYD Conference, Hmarkhawlien-a neih turah zai a rawngbawlna nei turin an kal nghal bawk ang. District PYD Choir te hian Music Video siam tumin an buaipui mek bawk a ni.
————————
#2. MITHAR :

January 22, Pathianni khan Chhumkhum local-ah mithar pali (4) Evan.Muanpuia Colney chuan a lawmlut a, Hnahthial Electric local-ah bialtu Pastor Rochungnunga Renthlei chuan mithar pali (4) a lawmlut bawk, hemi ni vek hian Hnahthial Venglai local-ah mithar pathum (3) lawmluh a ni bawk. January 22, Pathianni vek khan Rahsiveng bialtu Pastor Rev.P.Lalthanga chuan Sazaikawn local-ah mithar pali (4) chhungkaw khat atangin a lawmlut a, Rahsiveng local-ah mithar hi pahnih (2) lawmluh an ni bawk a ni.
————————
#3. CHAWIMAWINA NEI DAWN :

1) January 28, Inrinni hian Haulawng lamthuamthum local te chuan Pathian chawimawina neiin hun an hmang ang.
2) January 28, Inrinni vek hian Electric local-ah C.Lalhmunsangi chuan Pathian chawimawina a nei bawk ang.
————————
#4. RAWNGBAWLIN FEHCHHUAK DAWN:
January 29 Pathianni hmang hian Venghlun local LAD te chuan Ramlaitui local tlawhin rawngbawlna an nei ang.
————————
#5 . LAWMMAN DAWNG :

Lunglei District tena kan School enkawl Christian Education Centre-a Class VII zirlai David Lalfakawma chuan kum 2016-a District Legal Service Authority, Lunglei District buatsaih Essay Writing Competition, Middle Section-ah lawmman pahnihna a dawng a, lawmman hian Rs.7000 (Sangsarih) a keng tel a ni.
Tin, C.E.C. School hian Republic Day Parade School Contingent-ah pathumna (3) na lawmman an dawng bawk.
————————
#6. THINGPHUNNA HMUNHMA TIFAI :

Lunglei District PYD te chuan Tlawng kama an thingphun chu an enkawl chhunzawm zel a, tun dinhmunah mahni thingphun theuh local PYD tin ten enkawlin, January 26 pawh khan College veng local PYD, Venghlun local PYD, Farm veng local PYD leh Headquarters local PYD te chuan an thingphunna hmunhma vel tifaiin an thawkchhuak a ni.
Heng local-te bakah hian local hrang hrangte pawhin an Thingphun hi enkawl chhunzawm zel an tum a ni.
————————
#7. TANPUINA :

1) College veng local Pentecost Whatsapp group te chuan S.Vanlaiphai biak in sak tanpuina atan sum an thawhkhawm a, heng an sum thawhkhawm atang hian Rs.10000 (Singkhat) a tlingkhawm a ni.
2) Zohnuai local P.M.D. te chuan ASC Home puala sumtuak fehchhuahna neiin Rs 1000 (Sangkhat) an thawkchhuak bawk.
————————