THUDIK IN HRIATTIRNA

THUDIK IN HRIATTIRNA
Evan. H. Lallawmsanga, Zotlag,Camp: Bualpui V.

UPC NEI kum 1950 a alodin atang khan hun thim leh harsa vawi tamtak alo paltlang tawh a, engemaw lungawilohna hrang hrang leh sual hnathawh avang in Lalpa kohhran min chhuahsan tutepawh kan tawng ve tafo mai a ni. Min chhuahsan tute chu:
1972 ah Mizoram Pentecostal Church(MPC)
1984 ah FOUR SQUARE
1987 ah Pentecostal Reform church ,
1995 ah UPC OF MIZORAM tiin kohhran ziding chu a sang tel tehmeuh in min chhuahsan leh ta ani.
Heng min chhuahsan tute hian duhlova an chhuahsan tawh kohhran(UPC NEI) techu nasa takin an chirhtheh zui a, nasa takin an sawi bawrhbang zuizel hlawm bawk a, thu belh chian dawllo tak tak, “UPC chu Bile Society ah an tel a, Bible Society chuan WCC an zawm a, chu chu Sakawlh anisi a, awmna tlak anitawhlo” ti tein min sawizui nasa hle mai a, tun hnaichho ah hian MKHC leh TRINITY pathian thu zirna tih tehi ralthuam berah lo hmangin thudik chanve pawh ni pha meuhlo hmang te hian min bei nasa leh ta hlemai, Lalpa kohhran hote zirtirna diklo hmanga lenbo a kanlo awm vemai lohnan, thudik inhriattirna tiin kanlo auchhuah pui vedawn a ni.
BIBLE SOCIETY :
Kum 1804 ah London khawpuiah he pawl hi din a ni. Miin Bible man tlawm zawk leh awlsamzawka an lei a kan lo neihve theih nana din ani. Kum 1959 alo herchhuah meuh chuan Mizo History a kum pawimawh tak alo ni a, Mau tam kum anih rualin Bible Society te hnathawh ropui tak avangin Mizo tawng ngeia Bible kan neih kum alo nive ta a ni.
KAN KOHHRAN IN AHMUH DAN:
Bible Society hnathawh techu Pentecost kohhran member engemawzat pawhin hlu leh pawimawh an tiin mimal engzat in nge tanpuina lope tih chu record awm chiahlo mahse, kohhran members ten kan theih ang tawk chuan kan tanpuive ngei ani tih erawh kan hmu thei a, kohhran rorel tawh dan atang hianlo en ho ta ila.
Date 23.9.1963 a District Board Resolution No-2 na chuan Bile Society hi tanpui ve ngei ila a tha a, engpawh nise kanduhtawka tanpui duh mah ila, pawisa lamah kanla harsat rih avangin `100/- pe ila, District Chairman leh Secretary in hlan se, tiin Rev Zakamlova (chairman) leh KL Hnuna(Secretary) ten hming an signed hnan a ni.
Date 21.10.1982 North Mizoram District Board Committee Resolution No-26, Bible Society chugchangah kohhran hote a chhezawng a puhnate atamin thil sawifel ngai te atam tak em avangin ngun takangaihtuah ani a. Kan kohhran chhunga mi tupawh committee member atelteleh Colllector a tel reng reng chu tun chinah chuan tel tawhloh nise kanti a, chuvangin kohhran chhungah thil hrilhfiah ngai leh mi thenkhatte nuna harsatna athlen avangin Bible Society chungchanga inthiarfihlim thak hi tha kan tiin kan duh tlang. Rev Saihnuna(chairman) leh Rev Ellic Hnehzova(secretary) ten hming an signed hnan a ni.
Hetia kohhran rorelna sang in Bible society atanga members te inthiarfihlim vek tura atih nachhanber nia lang chu, mi thenkhatten Bible Society in WCC azawm an tih vang tepawh hi ani tave ngei ang. Hemi chungchang ah hian Rev C Ronghinga (Secretary,Bsi Aizawl Auxiliary) chuan BSI hmunpui berah lehkha thawnin azuk zawtfiah ta nghe nghe a, Achhan letna chu, mizotawngin kanlo dah nghal mai a nge-
Dear Ronghinga, Bible society hi WCC member anih leh nihloh I hreduh niin kalo hriaa, a chhanna chu zawmlove tih hi a ni (THE ANSWER IS NO). United Bible Society hi engtik lai mahin kohhran ho in ziahluhna reng reng ah member anive ngai lovang. A chhan chu Bible Society hi kohhran anih veloh avang a ni.Tichuan Bible Society hunkaltawh ah pawh eng kohhran pawlinzawmkhawm mah zawm tumna pawh ala nei lova azawm ngai bawk hek lovang.

Rev Dr Ulaick Fick, Gen Secretary
United bible Societies PO Box 810340’7000
Stuttgurt West Germany
8th August, 1983.

Thudik tak chu Zoram mipui leh kohhran hote pawn anlo hriat veleh tak siah chuan BSI chungchanga kohhran thurel tawh chu ngaihtuah that leh alo ni ta a.
Date 13-18 July 1985 a District Board rorel chuan tiang hian thu a passed zui leh ta a, “District Board hmasa rorel tawh kha ennawn leh ani a, he thu hi ngun taka kan sawiho hnuah tun hmaa kan kal dan ang khan kal leh mai zawk atha e. Tin, bible hi keini kohhran techuan kan thurin (doctrine) a niin, kohhran dang zawng aipawhin a neitu chan chang zawk mah tur niin kan inhriaa, Bible chhutna tana tanpuina pek tehi kan tihtur anizawk in kan hria. Bible Society hi YMA ang chiaha pawl bik awm chuanglo a ni tihpawh hi inhrilhfiah zel atha kan ti a ni.” Tiin Rev Saihnuna (chairman) leh Rev Hrangvunga(secretary) te hming an signed hnan thlap a ni.
A kohhran angin kan zawmta tihna anilova, an hmalakna hi athat em avangin phak ang tawkin kohhran chuan alo tanpui ve maizawk a. Tin mimal anga lo tanpui a member lonive an awm anih pawn chung chu a khap hranlo bawk a ni.

WORLD COUNCIL OF CHURCHES (WCC):
He pawl hi kum 1948 ah protestant kohhran hrang hrang aiawh 147 kalkhawm ten Netherland khawpui Amsterdam a an din a ni. WCC in nghahna bulpui ber (basis) chu “Pathian thu in aswi anga Isua hi Pathian leh Chhandamtua pawmtu anih anga, PA leh FAPA leh THLARAU THIANGHLIM kohna leh duhna thuhmun pawmtu a nitur a ni” tih ani bur mai a ni. (Rev Dr K Lalrinthanga BCM Pastor in WCC leh Sakawlh tih aziah na-ah chuan, UPC ho pwh hian Pathiana minung pathum Trinity pawmtu nilo kohhran tan WCC hi zawm phal anihloh avangin an hmu sakawlh ve mai mai pawh anithei. Hlauhtur a awm love . tiin alo ziak nghe nghe a ni)

Hemi anih tlat avang hian UPC techuan trinity kan ring velova Pathian pakhat chauh kan rin tlat avang hian WCC member kan nive theilo hrim hrim zawk a ni. Thenkhat in kan kohhran WCC a member nive anga min sawifo chhan niawm alang thei chu UPC tih vetho kohhran hming a awm ve vang tepawh hi aniang, chungte chu: United presbyterian church of Brazil, United Protestant Church, leh United Protestant Church of Belgium United Protestant Church of France tih te hi an ni. WCC members kohhran hrang hrang list 345 tarchhuah zingah hian kan kohhran hmuhtur a awm hauh lova, chu chu sawiloh mizoram a kohhran hrang hrang zingah hian WCC zawm pakhat mah kanla awmlo tih hi thudik ani.
(WCC Official website www.oikoumene.org tih ah hian I finfiah vek thei a ng)
MIZORAM KOHHRAN HRUAITU COMMITTEE (MKHC):
Kum 1966 a Mizo Natonal front(MNF) in zalenna an sual avanga ram alo buai khan Mizoram Kohhran ten remna palai hna thawkin mipui mangang thlabar te thlamuanna hna an thawk bawk thin a, MNF leh India sorkar inbiakna alo tawp khan kohhran hruaitute chuan India sorkar leh MNF techu dawhkan pakhat kila inbiak tir leh atha ber ang tih ngaihdan an nei a chumi bawhzui chuan Kum 1982, August 13 ah kohhran hrang hrang-Presbyterian. BCM, UPC, Salvation Army, Catholic. Seventh day, IKK, Assemblies of God leh Pawiram Baptist kohhran aiawh kalkhawm techuan Zoram Kohhran Hruaitu Committee(ZKHC) tiin an din ta a,kum 1998 atangin MKHC tia thlak alo nita a ni.
MKHC hian hnam leh hnam inkar ah te MNF leh India sorkar inkar ah te, MZP telah Mizoram sawrkar inkar ah te remna palai hna te thawk in ban aphar thin a. Tin kan kristianna tidal thei tur sakhuana hrang hrang leh zirtirna hrang hrang lakah te venhimna thawkin theihtawp chhuah in seminar tepawh an buatsaih bawk thin(17th .July 2015ah khan YOGA chungchang ah pawh Kristiante tihve chi anih leh nihloh zirchianna neiin kohhran hrang hrangte kokhawmin an zirho tawh bawk a ni)
MKHC ah hian kohhran hrang hrang kan tel avangin WCC kan zawm tihna a ni hauhlo a ni.
(www.mizoramsynod.org ah hian finfiah vek theih e)
TRINITY PATHIAN THU ZIRNA:
Kan Pastor thenkhat leh member thenkhat te Trinity Pathian thu zirna (Theological College) ah te an zirve thin avang hian Sakawlh zawm leh an rinna vatawma, maicham khat kila in zarzawmta ang in min sawita fo mai pawh hi thudik tawklo ani. Trinitarian ho Bible college a kan kalve nachhan zawk tak hi chu, Pathian thu ril zawk Hebrew leh Greek tawng te kan hriat ve zel hi atul tawh em em a, kan kohhran thurin min lo sawinghin sak tumtu te lakah lo inven nan leh lo lehthal nan pawh an zir chin emaw an zir aia sang zawk tepawh lozir ve hi thil tul tak ani tawh reng a ni. Trinitarian Bible zirna hmuna kan mite an va zirve avanga kan chan zuitak emaw Trinity thurin pawmtazawk emaw sawitur anla awm lova, Trinity buzawl va luhchhuah tute hi Kan kohhran tana mi tangkai leh Trinity thurin diklohna zawng zawng hrechianga chung mite bei lettu an nizel zawk hi alawmawm lai leh kan tihfuh tak tepawh anizel zawk ani.
Kan Kohhran rorelna sang chuan, Trinitarian Bible Colege a zir chhuak zawng awng tepawh keimahni Kohhran Bible Zirna ah an zir nawn leh zel tur ani alo titawh a ni, chutiang anihloh chuan an zirna (degree) kha kohhranin apawmpui chuang hauhlo a ni.
UPC kohhran hian thiamna chauh hi a ngaisang ta tihna lam ani chuang lova, tui leh thlarau a piangthar diktak leh mithiam chher chhuah zel hi atum ber zawk chu a ni.

America President 16-na Abraham Lincoln an, “Eng hunlai emaw, eng hun chhung emaw chuan mipui techu I bumthei anih pawhin ibumreng thei hauh lovang” alo tih hi adik ngawt mai le. Lalpa Kohhran chhuahsan tuten a thudik chanve pawh tling manglo hmanga Lalpa kohhran hote min bum tum a min chawkbuai fothin thin hi chu a pawi takzet a, hetiang zirtirna diklo hrang hrang kanlo hria anih pawh in thudik zawk hriat hmasak zel tum ila, min bialtu Pastor te leh District officer tepawh thudik kan hriat duh chuan min hrilhfiah sak turin kan tan an inhwng reng ani tih hi ihre reng ang u.

Nang erawh chuan zirtirna dik tak nena inhmeh thu sawi rawh.(Tita 2;1)